काठमाण्डु, २० असार– नेपालस्थित भारतीय दूतावासमा एक सुरक्षा गार्डको गोली लागेर मृत्यु भएको छ ।
लैनचौरस्थित दूतावास सुरक्षार्थ तैनाथ दीपक सिंह नामका भारतीय सुरक्षा गार्डको ड्युटीकै समयमा मृत्यु भएको हो । भारतीय दूतावासले उनले आफैंले आफैंलाई गोली हानेर आत्महत्या गरेको बताएको छ ।
घटनाबारे दूतावासले नेपल प्रहरीलाई जानकारी गराएको छ । शवको व्यवस्थापन भने आफैं गर्ने दूतावासले जनाएको छ । यसैबीच घटनाको जानकारी लिन गएको नेपाल प्रहरीको टोलीलाई भित्र प्रवेश गर्न रोकिएको छ । मृतकको शव पोष्टमार्टमका लागि त्रिवि शिक्षण अस्पताल महाराजगञ्जमा राखिएको छ ।