- आइतबार, ८ असार, २०८२
एजेन्सी– पाकिस्तानको बलुचिस्तानमा इरानले हवाई आक्रमण गरेको छ । आतंकवादी संगठन जैश अल अदललाई लक्षित गरी मिसाइल आक्रमण गरेको इरानले जानकारी दिएको छ ।
आक्रमणबाट दुई बालबालिकाको मृत्यु भएको छ भने तीन जना घाइते भएको इरानको सरकारी समाचार एजेन्सी आईआरएनएले जानकारी दिएको छ ।
इरानको सरकारी समाचार एजेन्सी आईआरएनएले पाकिस्तानमा मिसाइल र ड्रोनमार्फत् हवाई हमला गरेको समाचार सार्वजनिक गरेको थियो । तर पछि उसले त्यो समाचार हटाएको अन्तर्राष्ट्रिय सञ्चार माध्यमहरुले जानकारी दिएका छन । सन् २०१२ मा स्थापना भएको यो संगठनले इरानको सीमा क्षेत्र मा आक्रमण गर्दै आएको छ ।
र, संगठनका नेताहरु पाकिस्तानमा बस्ने गरेको दाबी इरानको छ । पाकिस्तानले भने इरानले हवाई क्षेत्र अकारण नाघेर आक्रमण गरेको र पाकिस्तानको सम्प्रभुताको उल्लंघन गरेको जनाएको छ ।
