- शनिबार, ७ असार, २०८२
रुपन्देही, ७ असार– रुपन्देहीमा टिपरले मोटरसाइकललाई ठक्कर हिँदा दुई जनाको मृत्यु भएको छ ।
मृत्यु हुनेमा सम्मरीमाई गाउँपालिका–५ का २० वर्षीय समीर खान र कोटहीमाई गाउँपालिका–७ का १८ वर्षीय शिवनाथ ठाकुर छन् ।
बनगाईबाट मर्चवारतर्फ जाँदै गरेको लु२ख २०७४ नम्बरको टिपरले विपरीत दिशामा रहेको लु४०प२३७३ नम्बरको मोटरसाइकललाई मायादेवी गाउँपालिका–७, गरगट्टी चम्रौटी टोलमा शनिबार ठक्कर दिएको थियो ।
घटनामा गम्भीर घाइते खान र ठाकुरलाई भैरहवास्थित भीम अस्पताल लगिएकामाचिकित्सकले तत्काल मृत घोषणा गरेका थिए ।
रुपन्देही प्रहरी प्रवक्ता डिएसपीसुरज कार्कीले ठक्कर दिने टिपर र चालक जगदीश चौधरीलाई नियन्त्रणमा लिएर घटनाबारे थप अनुसन्धान भइरहेको जानकारी दिए ।
