युक्रेनले खसाल्यो रुसी विमान, ७४ जनाको मृत्यु

एजेन्सी–युक्रेनले रुसी विमान आफ्नो सीमा नजिकै खसालेको छ । विमानमा सवारचालक दलका ६ सदस्यसहित ७४ जनाको मृत्यु भएको छ । रुसी रक्षा मन्त्रालयले इल्युशिन–७६ नामको सैन्य विमान युक्रेनको नजिकपर्ने बेलगोरोद प्रान्तको याबलोनोवो गाउँमा दुर्घटना भएको जनाएको छ ।

रुसी अधिकारीलाई उद्धृत गर्दै बीबीसीले जनाएअनुसार  विमानमा ६५ युक्रेनी बन्दी, ६ चालक दलका सदस्य र ३ जना सैनिक गार्ड थिए। रुसले विमान युक्रेनले खसालेको आरोप बताएको छ । खार्किभ सीमा क्षेत्रमा तैनाथ युक्रेनी सेनाले विमानमा दुई वटा क्षेप्यास्त्र प्रहारगरेको रुसी रक्षा मन्त्रालयले जनाएको छ । बुधबार दुई देशबीच बन्दी आदानप्रदानमा सहमति भएको केही घन्टाअघि उक्त घटना भएकोथियो । युक्रेनले भने घटनाबारे कुनै प्रतिक्रिया जनाएको छैन ।