- शनिबार, १५ वैशाख, २०८१
काठमाण्डु, १० माघ– बेलायतमा एक महिलाले रिसको हद पार गर्दै आफ्ना भूतपूर्व प्रेमीमाथि खतरनाक बम आक्रमण गरेकी छिन् । प्रेमीप्रेमिका वा लोग्नेस्वास्नीबीच कसैले धोका दिंदा अर्को पक्ष दुःखित हुने वा बदला लिनु त स्वभाविकै हो ।
कतिपयले बदलास्वरुप सोसल मिडियामा अभद्र तथा अपमानजनक कुराहरुको सहारा पनि लिने गर्दछन् भने कोही साइबर हमला वा ह्याकिङमा उत्रिएर गोपनीयता भंग गरिदिनेसम्मका कार्य गर्ने गरेको पाइन्छ । तर यि महिलाले भने आफ्नो भूतपूर्व प्रेमीमाथि अनौठो किसिमको आक्रमण गर्ने प्रयास गरेकी छन ।
इंगल्याण्डको नर्थह्याम्पटनमा बस्ने ३९ वर्षीया लरेन मेरी टेलबोटले गएको जुन १८ मा बेलुकी करिब ८ बजे आफ्ना पूर्वप्रेमी बस्ने फ्लाट बाहिर डिओडोरेन्ट बम पड्काइदिएकी छिन् । उक्त विस्फोटन यति भयानक थियो कि आगाको ठूलो गोला नै देखिएको थियो । विस्फोटनबाट घरका दुईवटा ढोका निस्किएका छन् भने गाह्रो भत्किनुका साथै कार्पेट जलेको छ ।
जब अग्नी नियन्त्रण टोली घटनास्थलमा पुग्दा त्यहाँको भित्तामा लेखिएको थियो– यो फ्लाट नर्कमा जल्ने नर्थेन्ट्स प्रहरीले जानकारी दिएको छ । संयोगवश ती महिलाका भूतपूर्व प्रेमी त्यसबेला घरमा नरहेकोले उनी बाँचे ।
तर लरेनले भने पूर्वप्रेमी घरभित्रै रहेको अपेक्षामा बम आक्रमण गरेकी थिइन् । प्रहरीले उनलाई तत्कालै पक्राउ गर्यो र अनुसन्धानपछि उनीमाथि हत्याको मनसायले बम विस्फोटन गराएको अभियोगमा मुद्दा दायर गर्यो ।
यही जनवरी १६ मा अदालतले लरेनलाई ६ वर्षको जेल सजाय सुनाएको आन्तराष्ट्रिय सञ्चार माध्यमहरुले बताएका छन । यद्यपि विस्फोटनअघि ती दुईबीच के कुरामा विवाद थियो भन्नेचाहिं खुलेको छैन ।
