- आइतबार, १४ असार, २०८३
काठमाण्डु, ३० भदौ– एकीकृत माओवादी उपाध्यक्ष पोष्टबहादुर बाेगटीको निधनपछि पार्टीका नेता कार्यकर्तामा रुवाबासी चलेको छ ।
बोगटीप्रति अन्तिम श्रद्धाञ्जली दिन कोटेश्वर पेरिसडाँडा पुगेका अधिकांश नेता कार्यकर्ताका आँखा रसाएका थिए । कार्यकर्ता मात्र होइन अध्यक्ष पुष्पकमल दाहाल ‘प्रचण्ड’ सहित अधिकांश नेता बोगटीको निधनमा रोएका छन् ।
अध्यक्ष प्रचण्डले लाजिम्पाटस्थित निवासमा बिहान बोगटीको निधनको खबर पाएलगत्तै आँसु झारेका थिए ।
बोगटीलाई एमाओवादीभित्र निष्ठावान, सरल र मध्यमार्गी नेताका रुपमा चिनिन्थ्यो । एकैपटक हृदयघात र मस्तिस्कघात भएका उनको उपचारका क्रममा सोमबार बिहान नार्भिक अस्पतालमा निधन भएको थियो ।
