- शनिबार, १३ असार, २०८३
कैलाली– कैलालीको बर्दगोरिया गाउँपालिका उपाध्यक्ष गणेशराज गिरी चितवनको भरतपुरमा सम्पन्न राष्ट्रिय स्वतन्त्र पार्टी (रास्वपा) महाधिवेशनमा सहभागी भएको खुलासा भएको छ ।
तत्कालीन माओवादी केन्द्रबाट गाउँपालिका उपाध्यक्ष जितेका गिरी हाल नेपाली कम्युनिस्ट पार्टी (नेकपा) मा छन् ।
नेकपाको सुदूरपश्चिम प्रदेश समितिले उनीसँग २४ घण्टे स्पष्टीकरण सोधेको छ ।
प्रदेश समितिले रास्वपा महाधिवेशनमा सहभागी भएको विषयमा लिखित स्पष्टीकरण माग गरेको हो ।
गिरी रास्वपाको महाधिवेशन प्रतिनिधिका हैसियतमा महाधिवेशनमा सहभागी भएका थिए ।
गिरी रास्वपा महाधिवेशनका लागि चितवन गएका कारण गाउँसभामा अनुपस्थित थिए ।
गाउँसभामा उपाध्यक्षले आगामी आर्थिक वर्षका लागि बजेट प्रस्तुत गर्छन् ।
