- शनिबार, १३ असार, २०८३
काठमाण्डु, २३ भदौ –फेसबुकमार्फत केटी साथीको फोटो सार्वजनिक गरिदिने भन्दै ब्ल्याकमेलिङ गरेर पैसा माग्ने युवक पक्राउ परेका छन् ।
कीर्तिपुर बस्ने वर्ष २२ का राजेश पौडेललाई प्रहरीले पक्राउ गरेको हो । आफ्नै एक केटी साथीको फोटो मोवाइलमा खिचेर उनले त्यसमा अश्लील फोटो जोडेर सार्वजनिक गर्ने भन्दै धम्की दिँदै आएका थिए ।
‘६ हजार दिए सार्वजनिक नगर्ने’ भन्दै ब्ल्याकमेलिङ गर्न थालेपछि युवतीले प्रहरीमा उजुरी गरेकी थिइन् । पौडेललाई आइतबार पक्राउ गरिएको हो ।
पौडेललाई विद्युतीय कारोबार ऐनअन्तर्गत कारबाही गरिने महानगरीय प्रहरी अपराध महाशाखाका एसपी भुपाल भण्डारीले बताए । विद्युतीय कारोबार ऐनअन्तर्गतको मुद्दामा पाँच वर्षसम्म कैद सजाय हुन सक्ने कानुनी प्रावधान छ ।
