- आइतबार, १४ असार, २०८३
काठमाण्डू, ११ साउन– विशेष अदालतले नेपाल दूरसञ्चार प्राधिकरणका तत्कालीन अध्यक्ष दिगम्बर झालाई टेरामक्स खरिद प्रकरणमा ३ लाख रुपैयाँ धरौटी माग गरेको छ ।
विशेषका न्यायाधीश तेजनारायण सिंह राई र मुरारीबाबु श्रेष्ठको इजलासले झासँग ३ लाख धरौटी माग गरेको हो । झा आइतबार विशेषमा उपस्थित भएका थिए ।
विशेष अदालतका सूचना अधिकारी यज्ञराज रेग्मीका अनुसार झाको बयानपछि थुनछेक बहस भएको थियो । थुनछेक बहसपछि उनलाई धरौटीमा रिहा गरिएको रेग्मीले बताए । तत्कालीन सञ्चारमन्त्री एवं काँग्रेस सांसद् मोहनबहादुर बस्नेत र झालगायत १४ जना र दुई कम्पनीविरुद्ध गत १ जेठमा ३ अर्ब २१ करोड ८३ लाख ७७ हजार १ सय ८२ रूपैयाँ भ्रष्टाचार गरेको दाबीसहित अख्तियार दुरूपयोग अनुसन्धान आयोगले विशेष अदालतमा मुद्दा दायर गरेको थियो ।
