- आइतबार, १४ असार, २०८३
काठमाण्डू, ११ साउन– पूर्व मन्त्री एवं एमाले सांसद योगेश भट्टराईले प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्री हुँदा नै संघीय निजामती सेवा विधेयक संसद्मा आएको बताएका छन् ।
प्रचण्ड प्रधानमन्त्री हुँदा संसद्मा आएको विधेयकमा कुलिङ पिरियडको प्रावधान नरहेको उनले बताएका छन । शनिबार माओवादी अध्यक्ष प्रचण्डले कुलिङ पिरियडको प्रावधानबारे भएको गडबडीबारेको छानबिनमा प्रधानमन्त्री केपी शर्मा ओलीसमेत पर्नुपर्ने तर्क गरेका थिए ।
आइतबार सामाजिक सञ्जालमार्फत भट्टराईले त्यसैको जवाफ यस्तो तर्क गरेका हुन । उनले आफूले नै प्रचण्डबाट जवाफको अपेक्षा गरेको बताए । एमाले सांसद भट्टराईले लेखेका छन, ‘तपाईंले सङ्घीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमा कुलिङ अफ पिरियडका बारेमा प्रम केपी ओलीलाई समेत छानबीन गर्नु पर्ने भनेर मन्तव्य दिनुभएकोमा गम्भीर ध्यानाकर्षण भएको छ, ‘निम्न विषयमा तताईंको ध्यानाकर्षण सहित जवाफको अपेक्षा गर्दछु ।’
