- शनिबार, ७ असार, २०८२
एजेन्सी–अनवर–उल–हक काकर पाकिस्तानको कार्यबाहक प्रधानमन्त्री नियुक्त भएका छन् ।
राष्ट्रपति आरिफ अल्वीले काकरलाई कार्यबाहक प्रधानमन्त्री नियुक्त गरेका हुन् । प्रधानमन्त्री शहबाज शरिफ नेतृत्वको मन्त्रिपरिषद्ले संसद् विघटनको निर्णय गरेपछि जारी राजनीतिक अन्यौलका बीच पाकिस्तानको कार्यबाहक प्रधानमन्त्रीमा काकर नियुक्त भएका हुन् । उनलाई विपक्षी दल समेतको समर्थन छ ।
कार्यबाहक प्रधानमन्त्री चयनका विषयमा निवर्तमान प्रधानमन्त्री शहबाज शरिफ र विपक्षी दलका नेता राजा रियाजबीच शनिबार छलफल भएको थियो । सोही छलफलपछि काकरको नाममा सहमति जुटेको समाचार एजेन्सीहरुले बताएका छन् ।
काकर २०१८ देखि पाकिस्तानको सांसद छन् । २०१८ को पाकिस्तानी सिनेट निर्वाचनमा दक्षिणपश्चिम बलुचिस्तान प्रान्तबाट स्वतन्त्र उमेदवारका रूपमा निर्वाचित भएका थिए ।
