- आइतबार, १४ असार, २०८३
विराटनगर, ३१ भदौ– मोरङमा जापनिज इन्सेफलाइटिसबाट थप तीनजनाको मृत्यु भएको छ ।
जिल्ला जनस्वास्थ्य कार्यालय मोरङका अनुसार इन्सेफलाइटिसका कारण उर्लाबारी–१ की ४४ वर्षीया कमला भण्डारी, उर्लाबारी–३ का ४ वर्षीय उजीर धामी र ८६ वर्षीय दलबहादुर श्रेष्ठको मृत्यु भएको हो ।
जिल्ला जनस्वास्थ्य कार्यालयका सूचना अधिकृत उत्सव पोखरेलका अनुसार यो सँगै मोरङमा इन्सेफ्लाइटिसका कारण मर्नेको संख्या नौ पुगेको छ ।
यसैबीच रोगको प्रकोप फैलिएपछि जिल्ला जनस्वास्थ्यले प्रभावित क्षेत्रमा औषधि छर्कनुका साथै जनचेतनामुलक कार्यक्रम सुरु गरेको छ ।
