- आइतबार, १४ असार, २०८३
काठमाण्डु, २८ भदौ– एमाले वरिष्ठ नेता झलनाथ खनालले नेकपा–माओवादीसँगको गठबन्धन तोड्न एकीकृत माओवादीलाई आग्रह गरेका छन् ।
पार्टी सम्वद्ध युवा संघ नेपालको प्रथम विस्तारित बैठकलाई राजधानीमा शनिबार सम्बोधन गर्दै खनालले वैद्य माओवादीको नाम नलिइकनै संविधानविरोधीसँ गठबन्धन तोडेर लोकतान्त्रिक शक्तिसँग हातेमालो गर्न आग्रह गरे ।
‘एमाओवादीले संविधान बनाउन नचाहने शक्तिसँग गठबन्धन गरेको छ’, खनालले भने, ‘ उसले त्यस्तो गठबन्धन तोडेर कांग्रेस(एमालेजस्ता लोकतान्त्रिक शक्तिसँग सहकार्य गर्नुपर्छ ।’
उनले संविधानका विवादित विषयमा सहमति नभए प्रक्रियामार्फत टुंगो लगाइने उल्लेख गरे । सहमतिको प्रयास गर्ने तर सहमति नभए दुई तिहाईले संविधान जारी गर्ने उनको भनाइ थियो ।
