- शनिबार, १३ असार, २०८३
काठमाण्डु, २६ भदौ– गाई काटेर खानेलाई तह लगाउन भन्दै नयाँ हिन्दूवादी संगठनको जन्म भएको छ ।
गाई काटेर खाने, धर्म परिवर्तन गर्ने तथा हिन्दू धर्मप्रति अनास्था फैलाउनेलाई ठीक पार्ने भन्ने हिन्दूवादी संगठन स्थापना भएको हो ।
संगठनको नाम ‘तराई–मधेस हिन्र्दू युवा संघ, नेपाल’ राखिएको छ । उक्त संगठनका तर्फबाट बिहीबार जारी गरिएको विज्ञप्तिमा पछिल्लो समय देशभर धर्मपरिवर्तनसहित हिन्दूधर्मविरोधी क्रियाकलापले प्रश्रय पाइरहेकाले खबरदारी गर्न नयाँ संगठन निर्माण गरिएको उल्लेख छ ।
अध्यक्ष विकास ठाकुरद्वारा जारी विज्ञप्तिमा देशभर गाई काट्ने र धर्मपरिवर्तन गराउने क्रम बढेकाले त्यसविरुद्ध अभियान चलाउने उद्देश्यका साथ संगठन निर्माण गरिएको उल्लेख छ ।
गरिबीको फाइदा उठाउँदै हिन्दूहरुलाई अन्य धर्ममा तान्ने काम भइरहेकाले पहिलो चरणमा त्यसो गर्न सम्झाउन र नभए भौतिक कारबाही गर्ने चेतावनी उनले दिए ।
