- बिहीबार, ६ चैत, २०८१
काठमाण्डु, २९ वैशाख– दक्षिण छिमेकी भारतमा लोसभा निर्वाचनअन्तर्गत आज अन्तिम चरणको मतदान भइरहेको छ ।
अन्तिम दिन आज बिहारको ६, उत्तरप्रदेशको १८ र बंगालको १७ सिटका लागि निर्वाचन भएको हो । बनारसको निार्वचनलाई सबैभन्दा चासोका साथ हेरिएको छ ।
बनारसमा भावी प्रधानमन्त्रीका दाबेदारसमेत रहेका भारतीय जनता पार्टीका नरेन्द्र मोदी र दिल्लीका पूर्वमुख्यमन्त्री आमआदमी पार्टीका संयोजक अरबिन्द केजरिवाल चुनावी मैदानमा रहेका कारण सबैको ध्यान त्यतातिर खिचिएको छ ।
मोदीलाई केजरीवालले कडा टक्कर दिने अनुमान भारतीय सञ्चारमाध्यमले गरेका छन् । दिल्लीकी पूर्वमुख्यमन्त्री शीला दीक्षितलाई विधानसभा निर्वाचनमा हराएर केजरीवाल एकाएका चर्चामा आएका थिए ।
यस्तै सत्तारुढ कँग्रेस आईले त्यस स्थानमा अजय रायलाई उठाएको छ । मत सर्वेक्षणहरुमा जनाइएअनुसार मोदी र केजरिवालका अगाडि राय कमजोर देखिएका छन् । शुक्रबारबाट मतगणना सुरु हुने त्यहाँको निर्वाचन आयोगले जनाएको छ । भारतमा ८१ करोड मतादाता छन् ।
