प्रधानमन्त्री ओलीसँग इजरायली राजदूतको भेट

काठमाण्डू, ४ माघ– नेपालका लागि इजरायलका राजदूत स्मुलिक ए बासले प्रधानमन्त्री केपी ओलीसँग शिष्टाचार भेट गरेका छन् ।

प्रधानमन्त्री तथा मन्त्रिपरिषद्को कार्यालय सिंहदरबारमा शुक्रबार भएको भेटमा द्विपक्षीय सम्बन्ध र हितका विविधि विषयका साथै सूचना प्रविधि, लगानी, पर्यटन, रोजगारी, कृषिमा आधुनिकीकरण, शिक्षा र संस्कृति आदिमा हुँदै आएको सहयोग आदान प्रदानलाई अभिवृद्धि गर्ने विषयमा छलफल भएको प्रधानमन्त्रीको सचिवालयले जनाएको छ ।
भेटकामा राष्ट्रियसभाका सदस्य एवं इजरायलका लागि पूर्वनेपाली राजदूत डा अञ्जान शाक्य र परराष्ट्र मन्त्रालयका उच्चाधिकारीको सहभागिता रहेको बताइएको छ ।