- मंगलबार, १० असार, २०८२
एजेन्सी– दक्षिण कोरियाका राष्ट्रपति युन सुक–योलविरुद्ध सत्तारूढ पार्टीले पनि महाभियोग अगाडि बढाउने संकेत गरेकको छ । शुक्रबार पीपुल्स पावर पार्टीका महासचिव हान डोङ–हुनले राष्ट्रपतिको संवैधानिक शक्तिलाई कम गर्नु आवश्यक भएको प्रतिक्रिया दिएको अन्तराष्ट्रिय सञ्चारमाध्यम हरुले जानकारी दिएका छन ।
डोङ–हुनले भनेका छन्, ‘राष्ट्रपतिले मार्शल ल लगाउँदा केही नेताहरूलाई पक्राउ गर्न सेनाको प्रयोग गर्न खोजेका थिए भन्ने मैले थाहा पाएको छु, जसमा मेरो नाम पनि समावेश थियो, ‘उनी लोकतन्त्रका लागि खतरा बनेका छन् र पदबाट राजीनामा दिनुपर्छ । ’
राष्ट्रपतिको शक्ति सीमित नगरेको खण्डमा उनले पुनस् खतरनाक कदम उठाउने सम्भावना रहेको भन्दै देश र नागरिकहरूका लागि जोखिम हुन सक्ने डोङ–हुनको भनाइ छ ।
विपक्षी दलहरूले पहिले नै ‘उत्तेजित’ राष्ट्रपतिले मार्शल ल घोषणा गर्ने दोस्रो प्रयासको सम्भावनाप्रति चिन्ता व्यक्त गरिसकेका छन्। यद्यपि, युनका विशेष बल कमाण्डर क्वाक जोङ–केनले यस्ता चिन्ताहरूलाई खारेज गर्दै सैनिक परिचालन गर्न राष्ट्रपतिबाट थप आदेश नमान्ने दृढता व्यक्त गरेका छन् ।
सत्तारूढ दलका प्रमुखले नै राष्ट्रपति युनलाई तत्काल निलम्बन गर्न आह्वान गरेपछि दक्षिण कोरियामा राजनीतिक अनिश्चितता बढेको छ ।
