- बिहीबार, ३२ असार, २०८३
महोत्तरी, १६ मंसिर- महोत्तरीको रामगोपालपुर नगरपालिका २ को अध्यक्षमा एमाले उम्मेदवार विजयी भएका छन् ।
एमालेका सकिबुल खाँ ६ सय ३१ मत ल्याएर विजयी भएका हुन् ।
उनकी निकटतम प्रतिस्पर्धी माओवादी केन्द्रकी आइतीकुमारी यादवले ५ सय ३४ मत पाइन् । यस्तै कांग्रेसका मोहम्मद जनिफ खाँले २ सय ८४ मत पाए ।
वडाअध्यक्ष निर्वाचित खाँ यसअघि ०७९ को निर्वाचनमा जसपाबाट उम्मेदवार भएर पराजित भएका थिए । यसपटक एमालेबाट टिकट लिएर उनी विजयी भएका हुन् ।
त्यतिबेला खाँले ३ सय ४२ र एमालेका कादिर हुसैनले २ सय ८७ मत पाएका थिए ।
यसअघिको निर्वाचनमा उक्त वडाको अध्यक्षमा माओवादी केन्द्रका मुकेशकुमार यादव निर्वाचित भएका थिए ।
