- आइतबार, ३ साउन, २०८३
काठमाण्डु, ६ कात्तिक-भिस्टारा एयरको जहाजमा बम राखिएको हल्ला ग़लत भएको पुष्टि भएको छ ।
जहाजमा बम नभएको पुस्टि भएको नेपाल नागरिक उड्डयन प्राधिकरणका प्रवक्ता ज्ञानेन्द्र भुलले जानकारी दिए ।
तीन घण्टा रोकिएको भिस्टारा एयरवेजको जहाज खरामुक्त रहेको प्रमाणित भएको छ ।
सेना र प्रहरीले सर्च अपरेसनपछि जहाजको आन्तरिक तथा वाह्य भाग तथा यात्रुका ब्यागेज जाँच गरिएको भुलले बताए ।
भारतबाट आएको जहाज त्रिभुवन अन्तर्राष्ट्रिय विमानस्थलमा अवतरण भएलगत्तै भारतीय नम्बरको ह्वाटस्एपबाट जहाजमा बम भएको सूचना आएको थियो ।
जहाजलाई खतरामुक्त प्रमाणित भएपछि दिल्ली उडाउने तयारी भएको जानकारी भुलले दिए ।
