- आइतबार, ३ साउन, २०८३
काठमाण्डु ६ कात्तिक– गएको १० देखी १३ असोज सम्म भएको भारी बर्षापछि बाढी–पहिरोले बगाएको बीपी राजमार्ग अन्तर्गत सिन्धुलीको खुर्कोट र रामेछापको मन्थली जोड्ने बेलिबृज पुनः जडानको कार्य सकिएर सञ्चालनमा आएको छ ।
मंगलबारदेखि बेलिबृज सञ्चालनमा ल्याइएको भौतिक पूर्वाधार तथा यातायात मन्त्रालयले जानकारी दिएको छ । मंगलबार भौतिक पूर्वाधार तथा यातायात मन्त्री देवेन्द्र दाहाल लगायतको टोली बिपी राजमार्ग अन्तर्गत सिन्धुली एवम् रामेछापको सडक अनुगमनका लागि पुगेका थिए ।
निरीक्षणमा पुगेका मन्त्री दाहालले बेलिबृज निर्माण कार्यमा खटिएका प्राविधिक एवं नेपाली सेनाका जवानहरुलाई सम्मान समेत गरेका छन ।
