- बिहीबार, ११ असार, २०८३
काठमाण्डु, ६ साउन –नेकपा एमालेका नवनिर्वाचित अध्यक्ष केपी शर्मा ओली उपचारका लागि आज सिंगापुर प्रस्थान गरेका छन् ।
सिंगापुरको नेसनल युनिभसिर्टी अस्पतालमा संक्रमित दायाँ हातको उपचार गराउन ओली सिंगापुर जान लागेका हुन् । दिउसो साढे १ बजेको थाई एयरको विमानबाट सिंगापुर गएकाे ओलीका स्वकीय सचिव रमेश आचार्यले जानकारी दिए ।
ओलीको हात अहिले पनि सुन्निएको अवस्थामा छ । ओलीले साउन २५ देखि हुने दोस्रो केन्द्रीय कमिटी बैठकमा सहभागि भएर मात्र जाने ईच्छा देखाएपनि हातको संक्रमण बढेपछि परिवारले नै दवाव दिएर उनलाई उपचारका लागि लगिएको बताइएको छ ।
ओलीका साथमा पत्नी राधिका शाक्य र नातेदार राजेश शाक्य गएका छन् । आठ वर्षअघि मिर्गौला प्रत्यारोपण गर्नुभएका ओली पछिल्लो ६ महिनामा उपचारका लागि तेस्रोपटक विदेश जान लागेका हुन् ।
