- शुक्रबार, २६ वैशाख, २०८२
काठमाण्डु,२४ माघ– कांग्रेस नेता डा शेखर कोइरालाले चितवन–२ का मतदातालाई अभिभावकविहीन नठान्न आग्रह गरेका छन् ।
नेपाल प्रेस युनियन बागमती प्रदेशको प्रथम अधिवेशन आज सौराहामा उद्घाटन गर्दै उनले यस्तो बताएका हुन । उनले यस क्षेत्रका प्रतिनिधिसभा सदस्य रिक्त रहे पनि मतदातासँगसँगै कांग्रेस रहेको बताएका छन ।
४ मंसिरमा भएको निर्वाचनमा चितवन–२ बाट निर्वाचित सांसद रवि लामिछानेको सांसद पद सर्वोच्च अदालतले खारेज गरेपछि यहाँ उपनिर्वाचन हुँदैछ । उनले भने, ‘तपाइँ मतदाताहरुले फेरि दुःख पाउनु पर्यो ।
ढुक्क भएर लोकतान्त्रिक शक्तिलाई जिताउनेतर्फ तपाइँहरू लाग्नुस् ।’ उनले अन्य राजनैतिक दलहरुसँग छलफल गरेर राष्ट्रपतिमा कांग्रेसको उम्मेदवारलाई विजयी गराउने बताएका छन ।
नेता कोइराला भने, ‘सत्तासीन केही दलले कांग्रेसले भाँजो हाल्न खोज्यो भनेका छन् तर हामी संसद्को ठूलो दल भएकाले हाम्रो जिकिर यसमा रहन्छ ।’
