बालुवाटार जारी बैठकमा माधव नेपाल थपिए

काठमाण्डु टुडे २०७९ पुष १० गते १२:०१ मा प्रकाशित

काठमाण्डु,१० पुस– नयाँ सरकार गठनका लागि सत्ता गठबन्धनको बैठक प्रधानमन्त्री निवास बालुवाटारमा  जारी छ । गठबन्धनमा सहमति जुट्न पेचिलो भइरहेका बेला अन्तिम प्रयास स्वरुप बालुवाटारमा बैठक बसेको हो ।

यसअघि कांग्रेस सभापति एवंम् प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डबीच छलफल भइरहँदा नेकपा एकीकृत समाजवादीका अध्यक्ष माधव कुमार नेपाल पनि बालुवाटार पुगेका छन् ।

तीन नेताबीच छलफलका आधारमा सहमति जुटाउन प्रयास हुने बताइएको छ। राष्ट्रपति विद्यादेवी भण्डारीले सरकार गठनका लागि दिएको एक साताको समय आज आइतबार साँझ ५ बजे सकिँदैछ । तर, गठबन्धनमा माओवादी केन्द्र र कांग्रेस दुबैले प्रधानमन्त्रीमा दाबी नछाड्दा सहमति जुट्न सकस भएको हो ।

Copyright © 2016 kathmandutoday.com Department of Information Reg No:460/074/75 About Us