पशुपतिनाथ मन्दिरका फाईल अख्तियारको नियन्त्रणमा

काठमाण्डु, १३ असार– पशुपति क्षेत्र विकास कोषभित्र साधन स्रोतको दुरुपयोग भएको जनगुनासो बढेपछि अख्तियार दुरुपयोग अनुसन्धान आयोगले अनुसन्धानका लागि भन्दै कोषका ११ सय फाइल नियन्त्रणमा लिएको छ ।

लामो समयदेखि भट्ट र पूजारीलाई दिने तलव भक्ता तथा सुविधा, आयस्रोतको विवरण एवम् खर्च व्यवस्थापन लगायत विषयमा मुछिँदै आएको आजको नयाँ पत्रिका दैनिकले समाचार छापेको छ ।

क्षेत्र विकास कोष स्रोतले दिएको जानकारी अनुसार पछिल्लो समय कोषमा गाडी खरिद, कर्मचारीलाई दिएको सुविधा, मन्दिर परिसरमा गरिएका भौतिक मर्मत लगायतका काममा गम्भीर घोटाला भएको आरोप लागेको छ ।

पशुपति विकास कोष संचालक परिषद्को निर्णय बिना नै प्रतिगाडी २० लाख रुपैयाँ पर्ने पाँचवटा गाडी किनिएको, गाडीको प्रयोजन स्पष्ट नपारिएको आदिबारे अख्तियारले चासो दिएको स्रोतको दाबी छ ।