- बुधबार, १० असार, २०८३
काठमाण्डू, १० असार– चितवनमा जारी राष्ट्रिय स्वतन्त्र पार्टी (रास्वपा) को रास्वपाको महाधिवेशनमा उम्मेवाहरुको अन्तिम नामावली उपलब्ध नहुँदा मतदानमा विलम्व भएको छ ।
राम–लक्षण भोटिङ मेसिनका प्राविधिक राम प्रसाद रिमालले उम्मेदवारहरुको फोटोसहितको नामावली कुरिरहेको जानकारी दिए । मेसिन तयारी अवस्थामा रहेको पनि उनले जानकारी दिए ।
अब निर्वाचन आयोगले उपलब्ध गराउने उम्मेदवारहरुको फोटोसहितको नामावली पाउनासाथ त्यसलाई इन्ट्री गर्ने क्रम सुरु हुने पनि उनले जानकारी दिए । करिब ८० वटा मेसिन मतदानका लागि तयारी अवस्थामा राखिएको छ । ती हरेक मेसिनमा उम्मेदवारहरुको फोटोसहितको नामावली इन्ट्री गर्नुपर्ने हुन्छ ।
त्यसका लागि १०–१५ घण्टा समय माग गरिए पनि अहिलेको अवस्थामा ५–६ घण्टामा इन्ट्रीको काम सक्ने गरी तयारी गरिएको रिमालले जानकारी दिए । ‘हामीले समय त १०–१५ घण्टा मागेका हौं ।
तर अहिलेको अवस्थाले त्यो फूल समय दिँदैन । प्यारालली काम गरेर ५–६ घण्टामा मेसिनको सेटअपको काम सिध्याउँछौं,’ उनले भने, ‘अहिले यतिखेरको अवस्थासम्म अन्तिम नामावली आइसकेको छैन ।’ रास्वपा विधान अनुसार निर्वाचनबाट ९९ जना केन्द्रीय सदस्य चुनिन्छन् । तर करिब ४०० जनाको मनोनयन दर्ता भएको छ ।
यस अनुसार एक जना प्रतिनिधिले ९९ केन्द्रीय सदस्यलाई भोट हाल्नुपर्छ । त्यसैले एक जना प्रतिनिधिलाई मतदान गर्न करिब १५ देखि १८ मिनेटसम्म लाग्ने अनुमान छ ।
मतदानका लागि ८० वटा मेसिन जडान गरेकाले सरदरमा १८ मिनेटमा ८० जनाले मतदान गरिसक्छन् । यस हिसाबले करिब ४ हजार प्रतिनिधिलाई मतदान गरिसक्न करिब १० देखि ११ घण्टा लाग्ने अनुमान छ । गणनाको लागि डेढ घण्टा मात्रै रिमालको भनाइ छ ।
