- आइतबार, २३ वैशाख, २०८१
काठमाण्डु, १३ वैशाख– राष्ट्रिय विकास परिषद् बैठक होटलमा राखेकामा प्रधानमन्त्री पुष्पकमल दाहाल प्रचण्डले असन्तुष्टि जनाएका छन् ।
प्रधानमन्त्रीले होटलमा कार्यक्रम राखेकामा राष्ट्रिय योजना आयोगका उपाध्यक्ष र सदस्यहरुसँग असन्तुष्टि जनाएका हुन् । प्रधानमन्त्री आफैं आयोगका अध्यक्ष छन् । बिहीबार आयोगले १६औं योजनाको मस्यौदामाथि छलफल गर्न काठमाण्डुको एक पाँच तारे होटलमा बैठक राखेको थियो ।
‘म कार्यक्रममा आउँदै गर्दा योजना आयोगका उपाध्यक्षलाई सोधें । किन होटलमा कार्यक्रम राखेको ? सिंहदरबारमा हाम्रो हाल छँदै थियो नि ?’ । प्रधानमन्त्रीले आगामी दिनमा यस्ता सबै कार्यक्रम सिंहदरबारमा राख्न आग्रह गरे ।
