सुर्खेत, २२ वैशाख– सुर्खेतको वीरेन्द्रनगरस्थित मालपोत कार्यालयमा आगलागी भएको छ ।
कार्यालयको भण्डार शाखामा शनिबार आगलागी भएको प्रहरीले जनाएको छ ।
जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले जिल्ला प्रशासन कार्यालयको आडमा रहेको मालपोतको स्टोरमा बेलुका सवा ५ बजे आगलागी भएको बताए ।
आगलागीको केही समयमै दमकल र सुरक्षाकर्मीको सहयोगमा आगो नियन्त्रणमा आएको छ ।
आगलागीबाट स्टोरमा रहेका दराज, एउटा मोटरसाइकल, दुई वटा जेनरेटर, कुर्ची, टेबुल, पुराना कम्प्यूटर लगायतका पुराना सामग्री जलेको उनले जानकारी दिए । आगलागीको खुल्न सकेको छैन ।