रुसको एक कारखानामा बम विष्फोट, १५ जनाको मृत्यु

काठमाण्डु, ५ कात्तिक– रुसको रियाजान क्षेत्रको एक कारखानामा शुक्रबार भएको बम विष्फोट र त्यसपछिको आगलागीमा परी कम्तीमा १५ जनाको मृत्यु भएको जनाएको छ। घटनाको समयमा उक्त कारखानामा १७ जना कामदारहरू थिए। औद्योगिक विष्फोटक पदार्थ उत्पादन गर्ने कारखानामा १५ जनाको शव भेटिएको छ।

विष्फोटन पश्चात् १६० वर्ग किलोमिटर क्षेत्रमा लागेको आगो निभाइएको छ। विष्फोटनमा कार्यशाला भवन पूर्णरुपमा ध्वस्त भएको छ। घटनाको कारण अझै पत्ता लागेको छैन।