धादिङ, १४ वैशाख– गुण्डा नाइके राधाकृष्ण भण्डारी (राधे) लाई प्रहरीले पक्राउ गरेको छ ।
लकडाउन उल्लंघन गर्दै गैरकानूनी गतिविधिमा संलग्न रहेको आरोपमा प्रहरीले राधेलाई शनिबार साँझ जिल्लाको सिद्धलेक गाउँपालिकाबाट पक्राउ गरेको हो । तर, प्रहरीले राधेले के गैरकानूनी गतिविधि गरेका थिए भन्नेबारे खुलाएको छैन ।
राधे निर्मण व्यवसायी संघका तत्कालीन अध्यक्ष शरद गौचन हत्यामा संलग्न रहेको आरोपमा जेलमा रहेका गुण्डा नाइके समीरमान बस्न्यात समूहमा छन् ।
यसअघि पनि हतियारसहित पक्राउ परेका राधे राजनीतिक पहुँचका आधारमा छुट्दै आएका थिए ।
प्रहरी कारबाहीमा मारिएका अर्का गुण्डा नाइके दिनेश अधिकारी (चरी) माथि समेत राधेले गोली हानेका थिए ।