एनसेलको नयाँ आइफोन बजारमा

काठमाण्डु–एनसेलले आइफोनको नयाँ संस्करण बजारमा ल्याएको छ । एनसेलले आफ्नो सेवासँग बन्डल गरेर आइफोन ६ र ६ प्लसको बिक्री थालेको हो ।

कम्पनीले एनसेलको सिम तथा डेटा अफरसँग बन्डल गरेर आइफोन ६ र आइफोन ६ प्लसका १६, ६४ र एक सय २८ जीबीका तीन फरक मोडल शुक्रबार सार्वजनिक गरेको हो ।

आइफोन किस्तामा खरिद गर्न सक्ने ब्यवस्थाका साथ बिक्रि सुरु गरिएको छ ।
एनसेलले बन्डल अफरअन्तर्गत सो सेट खरिद गर्ने ग्राहकलाई सिमसँगै ६ महिनासम्म प्रत्येक महिना एक जीबी डेटा निःशुल्क उपलब्ध गराउने समेत जनाएको छ ।
कम्पनीका अनुसार आइफोन ६ को १६ जीबी सेट ८३ हजार नौँ सय ९९, ६४ जीबी सेट ९४ हजार चार सय ९९ र एक सय २८ जीबी सेट एक लाख सात हजार नौँ सय ९९ मा खरिद गर्न सकिनेछ । त्यस्तै आइफोन ६ प्लसको मूल्य ९४ हजार चार सय ९९ देखि एक लाख २० हजार नौँ सय ९९ रुपैयाँसम्म तोकिएको छ ।