भारतीय विदेशमन्त्री स्वराज नेपालमा

काठमाण्डु , ९ साउन –  भारतीय विदेशमन्त्री सुष्मा स्वराज नेपाल आएकी छिन् । भारतीय विशेष विमानबाट स्वराज साँझ ६ बजे त्रिभूवन विमानस्थल ओर्लिएकी हुन् । नेपाल-भारत संयुक्त आयोगको बैठकमा भाग लिन स्वराज आएकी हुन् ।   बैठक शनिबार काठमाण्डुमा हुनेछ । 

विमानस्थलमा पत्रकारहरूसँग कुरा गर्दै मन्त्री स्वराजले भनिन्,’ म भारतमा नयाँ सरकार गठनपछि पहिलोपटक नेपाल आएको हुँ,’ भारतको प्राथमिकतामा नेपाल उच्चस्थानमा रहेको उल्लेख गर्दै उनले भनिन्, नेपाल सँधै भारतको लागि उच्च प्राथमिकतामा रहेको मुलुक हो।’