- बिहीबार, ११ असार, २०८३
बैतडी , ८ साउन – बैतडीको महाकालीमा विषादी सेवनबाट दुई बालबालिकाको मृत्यु भएको छ । घरमा एक्लै भएको बेला गेडागुडीमा हाल्ने विषादी खाएर महाकाली–८, पुडिलका पाँच वर्षीय पङ्कज साउद र उनकै दुई वर्षीया बहिनी कलावतीको मृत्यु भएको प्रहरीले जनाएको छ ।
घरका परिवार खेतमा काम गर्न गएका बेला विषादी खाएर बेहोस भएका उनीहरुलाई उपचारका लागि स्थानीय महाकाली उपस्वास्थ्य चौकी लैजाँदै गर्दा बाटोमै मृत्यु भएको बैतडीका प्रहरी निरीक्षक अनिल उप्रेतीले जानकारी दिए ।
बुधबार साँझ उक्त घटना भए पनि सदरमुकामबाट दुई दिनको दूरीमा रहेको महाकालीमा फोनको सुविधा नभएको र प्रहरीसँग समेत सम्पर्क हुन नसकेका कारण आजमात्र उक्त घटना सार्वजनिक भएको प्रहरीले जनाएको छ ।
