- बुधबार, १० असार, २०८३
काठमाण्डु, २६ असार– सरकारले आगामी आइतबार व्यवस्थापिका संसदमा बजेट पेस गर्ने भएको छ । अर्थमन्त्री रामशरण महतले बिहीबार संसदमा आर्थिक सर्वेक्षण पेस गर्दै आगामी आर्थिक वर्षको बजेट असार २९ अपरान्ह ४ बजे पेस गर्ने जानकारी दिए ।
आर्थिक सर्वेक्षण पेस गर्दै अर्थमन्त्री महतले आर्थिक चालु आर्थिक वर्षमा आर्थिक वृद्धिदर साढे ५ प्रतिशतले भएको बताए ।
उनले कुल ग्रार्हस्थ उत्पादनमा कृषि प्रमुख भएपनि कृषि एवं उद्योगको योगदान घटेको र सेवा क्षेत्रको बढेको जनाए । रेमिटेन्सले पनि अर्थतन्त्रमा सघाएको महतको भनाई थियो ।
भुक्तानीमा सन्तुलन आएको जानकारी दिंदै उनले ११ महिनाभन्दा बढीका लागि आयात धान्ने गरी विदेशी मुद्रा मौज्दात रहेको सदनमा जानकारी दिए । व्यापार घाटा भने बढेको छ ।
बैंकिङ्ग क्षेत्रमा तरलता बढेको भन्दै उनले लगानीका अवसरको कमीले गर्दा बैंकहरु निक्षेप संकलनमा तत्पर नभएको बताए ।
