सप्तरी, २२ असार – कोदालो प्रहार गरी भाई बुहारी र भतिजालाई मारेको अभियोगमा मलहनिया–२ बस्ने ४५ बर्षीय रामेश्वर यादवलाई प्रहरीले पक्राउ गरेको छ ।
निजले आइतबार घरायसी विवादमा ३० बर्षीया भाई बुहारी रितादेवी यादव र १० बर्षीय भतिजा मनिष कुमार यादवलाई कोदालो प्रहार गरी मारेको बताइएको छ ।
सो घटनाको खबर प्राप्त हुनासाथ खटिएको प्रहरी टोलीले अभियुक्त रामेश्वर यादवलाई कोदालो सहित पक्राउ गरी यस सम्बन्धमा आवश्यक अनुसन्धान गरिरहेको छ ।