- बिहीबार, १३ वैशाख, २०८१
काठमाण्डु, १८ असार– एमाले अध्यक्षका प्रत्यासी केपी शर्मा ओली समूहले ५२ जिल्ला अध्यक्ष आफ्नो पक्षमा रहेको दाबी गरेको छ ।
काठाण्डुमा बुधबार एक कार्यक्रम गरी ओली पक्षले भुगोल र गैरभुगोल गरी कुल १ सय ९ मध्ये ५२ जिल्ला अध्यक्ष आफ्नो पक्षमा रहेको दाबी गरेको हो ।
कार्यक्रममा ओली पक्षले आफ्ना अञ्चल इन्चार्ज, विभागीय प्रमुख र सचिव तथा जनवर्गीय संगठनका प्रमुख र जिल्ला अध्यक्षलाई सञ्चारकर्मीसामु प्रस्तुत गरिएको थियो ।
कार्यक्रममा उपस्थित जिल्ला अध्यक्ष मध्येबाट बैतडी अध्यक्ष दामोदर भण्डारी, स्याङजा अध्यक्ष पद्मा अर्याल र दाङ अध्यक्ष नरुलाल चौधरीलेले बोलेका थिए ।
उनीहरुले ओलीलाई अध्यक्ष बनाउनुपर्ने कारण पेश गरेका थिए । यस्तै उपाध्यक्ष विद्या भण्डारी र प्रचार विभाग प्रमुख प्रदीप ज्ञवालीले ओलीको विकल्प नरहेको बताएका थिए ।
एमालेलाई आजको अवस्थामा ल्याउन ओलीको विचार मुख्य कारण रहेको भन्द्यै उनले सर्वसम्मत नभए निर्वाचनबाट सजिलै विजयी हुने दाबी गरिने । नेता ज्ञवालीले मदन भण्डारीपछि विचारका नेता भनेकै ओली रहेको बताए ।
