- मंगलबार, ६ जेठ, २०८२
बागलुङ, १३ वैशाख– बागलुङ जिल्लामा सञ्चालित अवैध इँटा उद्योग बन्द गर्न जिल्ला प्रशासन कार्यालयले निर्देशन जारी गरेको छ ।
अवैधानिक तवरले इँटा उद्योग सञ्चालन गरी ठूलो मात्रामा राज्यलाई तिर्नुपर्ने कर छली गरेको भन्दै प्रशासनले त्यस्ता इाटा उद्योगहरु बन्द गराउन प्रहरीलाई निर्देशन दिएको हो ।
धवलागिरि ए एन्ड एम इाटा उद्योगका सञ्चालक अमरबहादुर खड्काले जिल्ला प्रशासन कार्यालय बागलुङमा दिएको उजुरीका आधारमा प्रमुख जिल्ला अधिकारी बलदेव गौतमले त्यस्तो निर्देशन दिएका हुन् ।
जिल्ला प्रशासन कार्यालयले जिल्ला प्रहरी कार्यालय बागलुङ, करदाता सेवा कार्यालय र घरेलु तथा साना उद्योग विकास समितिलाई पत्र लेखी बागलुङ जिल्लाभित्र अवैध रुपमा सञ्चालित इँटा उद्योगको सञ्चालन, इाटाको ओसारपसार र बिक्री वितरण गर्ने कार्यमा रोक लगाउन भनेको छ ।
सरकारले इँटा उद्योगलाई करको दायरामा आउन पटकपटक सूचना दिए पनि बागलुङमा सञ्चालित इाटा उद्योगले अवैध रुपमा कर छली इाटा बिक्री गर्दै आएको पाइएपछि बन्द गराउनुपर्ने अवस्था आएको जिल्ला प्रशासन कार्यालयले जनाएको छ ।
देशका सबैजसो भागमा इाटा उद्योगहरु करको दायरामा आइसकेका र करको दायरामा नआउने इँटा उद्योग बन्द हुने क्रम चलिरहेको छ । बागलुङ जिल्लामा त्यस्ता अवैधखालका इँटा उद्योग दर्जनौंको सख्ंयामा रहेको बताइन्छ । ती उद्योगले करको दायरामा नआइकनै खुल्लमखुल्ला इँटा उत्पादन र बिक्री वितरण गर्दै आएका छन् । रासस
