काठमाण्डु, ७ फागुन – नवनियुक्त महान्यायाधिवक्ता बाबुराम कुँवरले पद तथा गोपनीयताको सपथ ग्रहण गरेका छन् । राष्ट्रपति कार्यालयमा बुधबार आयोजित विशेष समारोहका बीच उनले सपथ लिएका हुन् ।
राष्ट्रपति डा रामवरण यादवको उपस्थितिमा कायममुकायम प्रधानन्यायाधीश दामोदरप्रसाद शर्माले नवनियुक्त महान्यायाधिवक्ता कुँवरलाई शपथ गराए ।
समारोहमा उपराष्ट्रपति परमानन्द झा, प्रधानमन्त्री सुशील कोइराला, संविधानसभाका अध्यक्ष सुवासचन्द्र नेम्वाङ, संवैधानिक अङ्गका प्रमुख, निजामती, जङ्गी तथा सुरक्षा निकायका वरिष्ठ पदाधिकारीका साथै महान्यायाधिवक्ताको कार्यालयका उच्च अधिकारीहरूको उपस्थिति थियो ।