- शनिबार, २९ मंसिर, २०८१
काठमाण्डु, १ फागुन – त्रिभुवन विश्वविद्यालयका उपकुलपति हिराबहादुर महर्जनले कुनै हालतमा पदबाट राजीनामा नदिने बताएका छन् ।
काठमाण्डुमा बिहीबार पत्रकार सम्मेलन गरेर उपकुलपति महर्जनले प्राडा गोविन्द केसीले त्रिविका पदाधिकारीले राजीनामा गर्नुपर्ने माग राख्नु असान्दर्भिक र अव्यवहारिक भएको बताए ।
उपकुलपति महर्जनले सरकारले समेत आफूलाई बर्खास्त गर्न नसक्ने र अदालतबाट भ्रष्टाचार गरेको पुष्टि भए राजीनामा दिन तयार रहेको स्पष्ट गरे ।
आमरण अनशन बसेका केसीका माग पूरा गरिसकेको भन्दै उपकुलपति महर्जनले अनशन तोड्न आग्रह पनि गरे ।
अस्पतालजस्तो संवेदनशील क्षेत्रलाई बन्द गराउने प्रवृत्ति निरुत्साहित गर्न सरकार र सम्वद्ध निकायले ध्यान दिनुपर्ने महर्जनको भनाइ छ ।
