- शुक्रबार, १४ वैशाख, २०८१
गत साउनमा करिव ५४ हजार नेपाली रोजगारीका लागि विदेशिएका छन्। वैदेशिक रोजगार विभागका अनुसार, चालु आर्थिक वर्षको पहिलो महिना ५४ हजार पाँचसय ५२ नेपाली युवा विश्वका चार दर्जन मुलुकमा गएका छन् । मलेसियाले १६ हजार ६ सय १२ नेपालीलाई रोजगारीको अवशर उपलव्ध गराएको छ । यस्तै कतारले १० हजार सातसय ८५, साउदी अरबले आठ हजार सातसय ५२, संयुक्त अरब इमिरेट्सले पाँचहजार ६ सय ९१ र कुवेतले एकहजार आठसय ८५ जनालाई रोजगारी उपलव्ध गराई पहिलो पाँच गन्तव्यमा परेका छन्।
साउनमा वैदेशिक रोजगारीमा गएका मध्ये आठहजार ६ सय १५ जना पुनः वैदेशिक रोजगारीमा गएका हुन्। यसरी वैदेशिक रोजगारीमा जानेमा कतारमा तीनहजार दुईसय २९, साउदी अरबमा दुईहजार एकसय २१, संयुक्त अरब इमिरेट्समा एक हजार आठसय ६६ र कुवेतमा तीनसय १० छन् । पहिलो रोजाईको गन्तव्य मलोसियामा ६ सय २८ जनामात्र पुनः प्रवेश गरेका छन् ।
गत महिना दुईहजार नौसय ९ महिला वैदेशिक रोजगारीमा गएको विभागले जनाएको छ । महिलाको मुख्य गन्तव्यमा कुवेत (९६१), संयुक्त अरब इमिरेट्स (५९४), मलेसिया (५२४) र ओमन (२१०) रहेका छन् । विगतमा महिलाको गन्तव्य मानिएको लेवनान र इजरायलमा ७० र ३९ महिला गएका छन् । वैदेशिक रोजगारीमा पुनः प्रवेश गर्ने महिलाको संख्या चारसय पाँच रहेको छ ।
सरकारले गत वर्षदेखि लिएको व्यक्तिगत करार कम गर्ने नीति फितलो देखिएको छ । गत जेठमा सात प्रतिशतमा सिमित भएको व्यक्तिगत करार बढेर १४ प्रतिसत पुगेको छ । ६ हजार आठसय ८९ नेपाली व्यक्तिगतरुपमा विदेशिएका छन्, यसमा महिलाको संख्या एकहजार पाँचसय नौ रहेको छ । गत वर्षको ३० बुँदे नीतिले बढी जोखिमा पर्ने कारण व्यक्तिगत करार नित्साहित गर्न विभागलाई निर्देशन दिएको थियो । विगत एक वर्षको प्रवृतिलाई चुनौती दिदै साउनमा संस्थागत ठगी निकै बढेको छ । विभागमा दर्ताभएका ठगीका दुईसय २५उजुरीमा एकसय १४ उजुरी म्यानपावर संस्थाविरुद्ध छन् । यि उजुरीमा ११ करोड ठगीभएको दावी गरिएको छ । बिजमाण्डु डट कम
