- बिहीबार, २७ मंसिर, २०८१
ललितपुर, २६ साउन । एकीकृत माओवादी अध्यक्ष प्रचण्डले निर्वाचन प्रक्रियामा असहमत उपेन्द्र यादव नेतृत्वको संघीय लोकतान्त्रिक मोर्चा र अशोक राई नेतृत्वको संघीय समाजवादी पार्टी सहमतिमा आउने बताएका छन् ।
भक्तपुरको ठिमीमा शनिबार भएको कार्यकर्ता प्रशिक्षणमा प्रचण्डले फोरम नेपाल र संघीय समाजवादी पार्टी छिट्टै समहतिमा आउने बताएका हुन् । ती दुई समूहले निर्वाचनमा आउने घोषणा गरेसँगै चुनावी वातावरण बन्ने दाबी प्रचण्डको थियो । आफूले यादव र राईसँग शनिबार मात्र कुराकानी गरेको र उनीहरुबाट सकारात्मक जवाफ आएको प्रचण्डले बताए ।
प्रचण्डले आफूबाट अलग्गिएर बनेको मोहन वैद्य नेतृत्वको नेकपा माओवादी निर्वाचनमा जाने वा नजाने भन्नेमा अझै दोधारमा रहेको उल्लेख गरे । कार्यकर्ता रिसाउने डरले मात्र वैद्यले निर्वाचनमा जाने वा नजाने भन्नेमा स्पष्ट निर्णयमा पुग्न नसकेको टिप्पणी गरे ।
