- मंगलबार, ३० असार, २०८३
जनकपुर, ६ माघ– धनुषाको जनकपुर उपमहानगरपालिका–२३ स्थित जनकपुर–जलेश्वर सडकखण्डमा भारतीय नम्बरको मोटरसाइकलको ठक्करबाट स्कुटरमा सवार महिलाको मृत्यु भएको छ ।
तीव्र गतिमा रहेको बीआर–०६–डिजे–२६३२ नम्बरको भारतीय नम्बरको मोटरसाइकलले ज१२प ६०३८ नम्बरको स्कुटरलाई पछाडिबाट ठक्कर दिएको प्रहरीले जनाएको छ ।
दुर्घटनामा स्कुटरको पछाडि सवार महोत्तरीको पिपरा गाउँपालिका–५ की ६० वर्षीया राजमरी देवीको मृत्यु भएको हो । स्कुटर चालक ६५ वर्षीय कामेश्वरप्रसाद यादव घाइते छन् ।
जिल्ला ट्राफिक प्रहरी कार्यालय धनुषाका अुनसार ठक्कर दिने मोटरसाइकलमा तीन जना सवार थिए ।
मोटरसाइकल चालक भारत सितामढीका संजित साह, उनकी श्रीमती रूबी साह र अर्का एक जना घाइते भएका छन् । घाइते सबेको प्रादेशिक अस्पताल जनकपुरमा उपचार भइरहेको छ ।
