- बुधबार, ३१ असार, २०८३
काठमाण्डू , २५ पुस–पोखराबाट माठमाण्डु आउँदै गरेको माइक्रोबस धादिङमा ट्रकसँग ठोक्किएको छ ।
ग२ख ६६६ नम्बरको माइक्रो र विपरीत दिशामा रहेको ट्रकसँग पृथ्वी राजमार्गअन्तर्गत धादिङको गल्छी गाउँपालिका–४ बेल्खुमा बिहीबार दिउँसो ठोक्किएको हो ।
दुर्घटनामा माइक्रो बसमा सवार १५ जना घाइते भएका छन् । घाइतेमध्ये एक विदेशी पर्यटक र एक २२ महिनाकी बालिकासमेत रहेको प्रहरीले जनाएको छ ।
धादिङ प्रहरीका डिएसपी सुवास हमालले घाइतेहरुलाई उद्धार गरी उपचारका लागि काठमाण्डुस्थित ट्रमा सेन्टर पठाइएको जानकारी दिए । उनका अनुसार ट्रक चालकलाई नियन्त्रणमा लिएर अनुसन्धान अघि बढाइएको छ ।
