- शनिबार, १३ असार, २०८३
पोखरा, १४ भदौ– एमाओवादी अध्यक्ष पुष्पकमल दाहाल ‘प्रचण्ड’ ले आफू र नेता बाबुराम भट्टराईबीच कुरा मिलिसकेकाले तल पनि मिल्न 
कार्यकर्तालाई निर्देशन दिएका छन् ।
कास्कीका कार्यकर्तालाई शनिबार पोखरामा सम्बोधन गर्दै उनले विचार निर्माणका क्रममा बहस भएको र अहिले आफूहरुबीच सहमति भइसकेको जनाए । आफूहरु माथि मिलिसकेकाले तल कसैको दबाबमा नलागी मिल्न कार्यकर्तालाई निर्देशन दिए ।
उनले भट्टराई र आफूबीच कुनै कटुता नरहेको बताए । ‘बाबुरामजी र मेरोबीचमा कुनै कटुता छैन’, प्रचण्डले भने, ‘हामीहरु माथि मिलिसकेका छौं, तल तपाईंहरु पनि मिल्नुस् ।’ प्रचण्डले कुनै हातलमा पार्टी नफुट्ने भन्दै कार्यकर्तालाई आश्वस्त तुल्याए ।
पार्टी गुड्दा गुड्दै बन्द हुने थोत्रो गाडीजस्तै भएकाले मिलेर नयाँ बनाउनुपर्ने बताए ।
