- शुक्रबार, १२ असार, २०८३
काठमाण्डु- राष्ट्रिय स्वतन्त्र पार्टी (रास्वपा) महामन्त्रीमा विपिनकुमार आचार्य निर्वाचित भएका छन् ।
चितवनमा जारी प्रथम महाधिवेशनअन्तर्गत पदाधिकारी चयनका लागि शुक्रबार भएको निर्वाचनमा आचार्य विजयी भएका हुन् ।
आचार्य ६ सय ७३ मतसहित विजयी भएको निर्वाचन आयोगले जनाएको छ ।
प्रतिनिधिसभा सदस्य आचार्य यसअघि सह-महामन्त्री थिए ।
महामन्त्रीमा आचार्यसहित मनिष झा, सागर ढकाल र गणेश कार्की चुनावी प्रतिस्पर्धामा थिए ।
शिशिर खनाल, कबिन्द्र बुर्लाकोटी, गणेश पराजुली, रञ्जु दर्शना न्यौपाने, जगदिश खरेल र सभापति रवि लामिछानेको सहयोगी प्रमोद न्यौपानेले उम्मेदवारी फिर्ता लिएर आचार्यलाई समर्थन गरेका थिए ।
