- बुधबार, ३१ असार, २०८३
काठमाण्डु, १८ पुस– प्रहरीले अमेरिका पठाउने भन्दै ५९ लाख २५ हजार रुपैयाँ ठगी गरेको आरोपमा दुई जनालाई पक्राउ गरेको छ ।
पक्राउ पर्नेहरूमा गोरखाको गण्डकी गाउँपालिका–२ घर भइ चितवन भरतपुर बस्दै आएका ४३ वर्षीय कुलबहादुर थापा र गोरखाकै गण्डकी नगरपालिका–२ घर भइ काठमाण्डुको नागार्जुन बस्दै आएका ३१ वर्षीय राजन आले रहेको प्रहरीले जानकारी दिएको छ ।
उनीहरूलाई काठमाण्डु उपत्यका अपराध अनुसन्धान कार्यालयको टोलीले सिनामंगलबाट मंगलबार पक्राउ गरेको प्रहरीले जानकारी दिएको छ ।
बेरोगजार युवायुवतीहरूलाई उनीहरुले अमेरिका पठाउने प्रलोभन देखाएर ठगी गरेको आरोप छ । पक्राउ परेका दुवै जनालाई थप अनुसन्धानका लागि जिल्ला प्रहरी परिसर काठमाण्डु पठाइएको अपराध अनुसन्धन कार्यालयका एसपी तथा प्रवक्ता काजीकुमार आचार्यले जानकारी दिएका छन ।
