घनश्यामलाई कवितामार्फत विष्णुको झटारोः कहिले एमाले बिनाको राजनीति कहिले ओली बिनाको एमाले

काठमाण्डु, १४ पुस– एमाले उपमहाचिव समेत रहेका प्रधानमन्त्रीका प्रमुख राजनीतिक सल्लाहकार विष्णु रिमालले नेकपा एकीकृत समाजवादीका महासचिव घनश्याम भुसाललाई कवितामार्फत जवाफ पर्काएका छन ।

एमाले उपमहासचिव रिमालले महासचिव भुसाललाई आज आइतबार सामाजिक सञ्जाल फेसबुक मार्फत जवाफ फर्काएका हुन । रिमालले भुसाललाई लक्ष्ति गर्दै ‘ह्याउ भए आफ्नै पार्टी बनाएर देखाउन’ समेत चुनैति दिएका छन ।

नेकपा एकीकृत समाजवादीका महासचिव भुसालले हिजो (शनिबार) एक कार्यक्रम लाई सम्बोधन गर्दै एमालेले भिम रावललाई गरेको निष्कासन प्रति अभिव्यक्ति दिएका थिए । साथै महासचिव भुसालले एमाले अध्यक्ष ओलीलाई नेतृत्वबाट हट्न समेत सुझाव दिएका थिए ।

नेता भुसालले एमालेमा उकुसमुकुसको अवस्था रहेको पनि बताएका थिए । त्यही कुरालाई लिएर उपमहासचिव रिमालले कविता मार्फत जवाप पर्काएका हुन । उपमहासचिव रिमालले लेखेका छन, ‘ उनी पो निसासिए रे ! उनन्चालीस सालदेखि यता हामी निरन्तर पार्टी संगठन निर्माणमा लागि रह्यौँ,’ रिमालले लेखेको कवितामा उल्लेख छ,‘पार्टी भित्र सधैँ उनी–विवादका लागि मौकाको खोजीमा रहे, अनवरत ‘किच–किच’ गरेर बसिरहे ।

उपमाहासचि रिमालको कविता जस्ताको तेस्तै