- शुक्रबार, १२ असार, २०८३
दार्चुला, ९ भदौ– दार्चुलाका बाढीपीडित राहत र पुनस्र्थापनासहित विभिन्न माग राखेर आमहड्तालमा उत्रिएका छन् ।
सरकारले क्षतिपूर्ति र पुनःस्थापना गर्न बेवास्ता गरेको भन्दै दार्चुला बाढीपीडित संंघर्ष समितिले जिल्ला बन्द आह्वान गरेको हो ।
संघर्ष समितिका अध्यक्ष गोपाल सिंहले बाढीपीडितलाई सरकारले बेवास्ता गरेकाले आन्दोलनमा उत्रिएको बताए ।
बाढीपीडितले नेपाल–भारत सीमा क्षेत्रमा रहेको महाकाली नदीमा रहेको झोलुङ्गे पुलमा समेत केहीबेर आवागमन ठप्प पारेका थिए ।
बन्दका कारण यातायता, बजार–पसल र शिक्षणसंस्था बन्द छन् । गत वर्षको असार पहिलो साता महाकाली नदीमा आएको बाढीले दार्चुला सदरमुकाम खलंगाका १ सय ५८ घर बगाएको थियो ।
बाढीबाट दुई सयभन्दा बढी परिवार प्रत्यक्ष प्रभावित भएका थिए । तर सरकारले अझैसम्म राहत र पुनस्र्थापनाका लागि पहल गरेको छैन ।
