- शुक्रबार, १२ असार, २०८३
काठमाण्डु, ९ भदौ– सत्तारुढ काँग्रेस–एमालेसहित साना दल भावी संविधानका विवादित विषयमा समाधान धारणा बनाएर अघि बढ्ने निष्कर्षमा पुगेका छन् ।
प्रधानमन्त्री सुशील कोइरालाको पहलमा सोमबार बालुवाटारमा बसेको सत्तारुढ दलहरुको बैठकले संघीयता, शासकीय स्वरुप, निर्वाचन प्रणालीय र न्याया प्रणालीजस्ता विवादास्पद विषयमा समान धारणा बनाएर अघि बढ्ने निर्णय गरेको हो ।
भावी संविधानका विवादित विषयमा सत्तापक्षबीचमै समान धारणा नहुँदा प्रतिपक्षी दलसँग छलफल गर्न समस्या भएको भन्दै प्रधानमन्त्री कोइरालाले बैठक बोलाएको माले महासचिव सिपी मैनालीले बताए ।
‘संघीयता, शासकीय स्वरुप, निर्वाचन प्रणाली र न्यायप्रणालीका विषयमा सरकारमा रहेका दलहरुबीच समान धारणा बनेपछि अरु दलसँग छलफल गर्न सजिलो होस् भनेर बैठक बसेको हो’, मैनालीले भने ।
बैठकमका सरकार सञ्चालनका क्रममा उत्पन्न समस्याबारे समेत छलफल भएको थियो । काँग्रेस वरिष्ठ नेता शेरबहादुर देउवाले सरकार सञ्चालनमा देखिएका समस्या सहमतिमै सममाधान गर्ने टुंगोमा पुगिएको बताए ।
उनले विवादित विषयमा सहमति जुटाएर आगामी ८ माघभित्रै संविधान जारी गर्नेमा सत्तापक्ष एकमत भएको पनि बताए ।
उनले संविधानमा एउटै धारणा बनाएपछि एकीकृत माओवादीसहित प्रतिपक्षी दलसँग छलफल हुने जानकारी दिए ।
चार बुँदे सहमति पालना नगरेको भन्दै एकीकृत माओवादीले आइतबार प्रमुख तीन दलको बैठक बहिस्कार गरेको थियो । एमाओवादीले सहमति कार्यान्वयन नभएसम्म काँग्रेस–एमालेसँग वार्तामा नबस्ने चेतावनी दिएको छ ।
