- बिहीबार, २६ असार, २०८२
बझाङ, १५ भदौ– बझाङमा जङ्गली च्याउ सेवनबाट दुई बालबालिकाको ज्यान गएको छ ।
जयपृथ्वी नगरपालिका–६ नौराकी ७ वर्षीया सञ्जिला कठायत र १२ वर्षीय सुदीप कठायतको जंगली च्याउ खाएर मृत्यु भएको हो ।
सुदीपलाई थप उपचारका लागि धनगढी र सञ्जिलालाई डडेल्धुरा ल्याउँदै गर्दा बाटैमा मृत्यु भएको प्रहरीले जनाएको छ । मृतकहरुकी आमा पुनी कठायतको उपचार भइरहेको छ । उनको पनि अवस्था गम्भीर छ ।
उनीहरुले मंगलबार जंगलबाट ल्याएको च्याउ खाएको सूचना प्राप्त भएको बझाङ प्रहरी प्रमुख प्रहरी डिएसपी जागेश्वर भण्डारीले जानकारी दिए ।
