- बुधबार, २५ असार, २०८२
काठमाण्डू, ६ भदौ- सत्तारुढ र प्रतिपक्षीदलबीच सुन तस्करी प्रकरण छानबिन गर्न जाँचबुझ आयोग गठन गर्ने सहमतिभएको छ ।
प्रधानमन्त्री कार्यालय सिंहदरबारमा बुधबार बसेको सर्वदलीय बैठकमा जाँचबुझ आयोग ऐन २०५६ बमोजिम आयोग गठन गर्ने सहमतिभएको नेताहरुले बताएका छन् । आयोगले ५ असोजदेखि काम थाल्ने सहमतिमा उल्लेख छ ।
‘सुन तस्करीबारे स्वतन्त्र र निष्पक्ष छानबिन गर्न र यस्तो तस्करीजन्य कार्यको पूर्ण रूपमा नियन्त्रण गर्न मौजुदा कानूनमा गर्नुपर्नेपरिमार्जन, सुधार, पटकपटकका सुन तस्करीका छानबिन अनुसन्धानबारे अध्ययन गरी सुझावसहित प्रतिवेदन पेश गर्न जाँचबुझ आयोगगठन गरी असोज ५ गतेदेखि आयोगले काम प्रारम्भ गर्नेछ,’ सहमतिमा उल्लेख छ ।
बैठकमा प्रधानमन्त्री पुष्पकमल दाहाल प्रचण्डसहित सत्ता र प्रतिपक्षका ७ दलका शीर्ष नेता सहभागी थिए । २ बुँदे सहमतिमा कॅाग्रेस, एमाले, माओवादी, रास्वपा, राप्रपा, राजपा र जनमतसहित ७ दलका सचेतकहरूले हस्ताक्षर गरेका छन् ।
पएमालेलेले उच्चस्तरीय समिति गठनको माग गर्दै साउन १० गतेयता पटकपटक सदन अवरूद्ध गर्दै आएको छ ।
सहमतिसॅगै प्रतिनिधिसभाको आज अपराह्न ३ बजेका लागि बोलाइएको बैठक बस्ने एमाले सचेतक महेश बर्तौलाले जानकारी दिए । 
